“Runta” Sheikh cabdiraxmaan Sheikh Cumar Video | SomTV-Seattle

“Runta” Sheikh cabdiraxmaan Sheikh Cumar Video

Runta Sheikh cabdiraxmaan Sheikh Cumar

Muxaadaro Qayim ahayd oo Cinwaankeedu ahaa RUNTA iyo ka fogaashaha Akhlaaqda Xun ee Beynta iyo U dhawaanshaha Akhlaaqda wanaagsan ee Runta ayuu Sheikh cabdiraxman Sh Cumar oo Muslimiinta Gaar ahaan Somalida wada taqaan Ka jeediyay Masjidka weyn ee Abubakr ee Ku yaallo Seattle,Gobalka Washington ee Wadanka Mareykanka.

Sheikha waxaa uu aad ugu dheeraaday qiimaha runta ay leedahay iyo sida loogu amaanay Nabigeena SCW akhlaaqda wanaagsan oo ay mudantahay in aynu ku dayano.

“Nin baa waxaa lagu yaqaanay in uu been Sheego markii danbe ayuu run sheegay ka dib la rumeysan waayay markaasuu raftay oo yiri War maanta waan raftay ee i rumeysta run ayaan sheegayaaye” ayuu sheekha tusaale u soo qaatay.

Sidoo kale waxaa sheikha uu ku baraarujiyay Dadkii dhageysanayay in ay ka fogaadaan in ay gudbiyaan oo sheegaan wax kastaa oo ay maqlaan waxaan uu tusaale usoo qaatay sheikha xadiiskii NABIGA SCW ee ahaa “Waxaa danbi ugu filan qofka in uu ka sheekeeyo wax kastaa ee uu maqlay”

Sheikh cabdiraxman Sheikh Cumar iyo Culimo la socota ayaa waxaa ay Joogaan masjidka Abubakr si ay halkaasi uga jeediyaan Muxaadaraad uguna faa’iideeyaan Umada Halkaasi ku dhaqan.

Number Of Reads 56124